Referenzen

Trauung vom 04.08.2018

Danke dir vill vill mal, es isch aifach unbeschrieblich schön und berührend gsii.. schöner als mir üs das je hetted chöne vorstelle!  (SMS am Tag nach der Hochzeit.)

 

Liebi Jessi

 

Danke dir vill mal für die härzlichi, persönlichi und aifach nu wunderbari Trauig. Es hät üs vill Spass gmacht das Ganze mit dir zäme vorzberaite. Bi jedem Gspröch hämmer üs total wohl, ufghobe und verstande gfühlt. Danke, dass du bi Frage immer da gsii bisch und das du üsi Trauig so ainzigartig gmacht häsch. Mir hetet üs nüt bessers chöne vorstelle und sind überwältigt! Au vo üsne Gäst hämmer nu positivs Feedback dörfe entgegneh.

 

Mir wünsched dir alles Gueti und hoffed, dass no ganz viel wiiteri Paar sone individuell apassti Trauuig vo dir derfed erläbe.

 

 

Ganz liebi Grüess vo dine Erste

(Feedback per Mail)


Trauung vom 18.08.2018

Liebi Jessi, danke dir vielmal für die wunderschöö Trauig. Du hesch das soo super gmacht. 


Trauung vom 15.09.2018

Liebi Jessi nomol viele lichä Dank für die wunderschön und unvergässlich Zeremonie. Es isch mega schö gsi und mir sind wahnsinnig happy das mer Dich defür gha hend. Du hesch es wükli so toll gmacht! Ganz liebi Grüessli

Malea, Fabian und Sabrina 


Trauung vom 11.08.2018

Mir möchtet üs vo ganzem Herze för die wonderschöni ond perönlichi Trauig be der bedanke. Du hesch ned nur üs sondern ou all üsi Gäst met dine Wort ond dinere liebevolle Art z'mitzt im Härz berüehrt ond so mängs Lächle uf üsi Lippe zouberet. Es esch eifach perfekt gsie, härzliche Dank. 

Es esch eifach wörkli traumhaft gise liebi Jessi ond du hesch es genau so, nei vell besser gmacht als mer üs das gwönscht händ. 


Trauung vom 25.08.2018

Liäbi Jessi

 

Mir händ en wundervolle Tag gha, er isch eifach en Traum gsi!

Danke dier au namal vielmal für diä wunderschöni Trauig und diä traumhafti Deko, wo du alles debii gha häsch. Mier sind eifach verzauberet gsie und händ de Momänt mega gnosse.

 

Für eus bisch du diä perfäkti Traurednerin gsie, es hät vo Afang a perfäkt gstumme und es isch öis vorcho, wiä wänn mier eus scho ewigs würded känne. Du bisch eifach en wunderbare Mänsch und häsch geschter umwerfend usgseh. 


Trauung vom 01.09.2018

Liebe Jessi, ganz herzlichen Dank für deine sehr persönliche und gefühlvolle Rede bei unserer Trauung. Du hast uns und unsere Gäste zu Tränen gerührt und zum Lachen gebracht und unsere gemeinsame Geschichte perfekt mit kleinen Überraschungen und tollen Ideen ergänzt. Wir sind sehr froh, dass du uns begleitet hast und empfehlen dich wärmstens weiter! Mach weiter so, viel Erfolg und bleib wie du bist!

 

Ganz liebe Grüsse von Cornelia und Swen